Վրույր Բալասան

Բանաստեղծ, թարգմանիչ

14 մարտ, 1914 - 9 փետրվար, 2000

Յուրի Բալասանով
Ծնվել է Մոսկվայում։ Սովորել է Բաքվի համալսարանի պատմության ֆակուլտետում (մինչև երկրորդ կուրսը)։ 1934-37թթ աշխատել է Բաքվի «Բակինսկի ռաբոչի», «Մոլոդոյ ռաբոչի» թերթերի և «Լիտերատուրնի Ազրբայդժան» ամսագրի խմբագրություններում։ 1947թ-ից բնակվել է Երևանում։ 1959-74թթ աշխատել է «Լիտերատուրնայա Արմենիա» ամսագրի խմբագրությունում` որպես բաժնի վարիչ և պատասխանատու քարտուղար։ Հայ բանաստեղծների և արձակագիրների գործերը թարգմանել է ռուսերեն: Նրա թարգմանությամբ (հայերենից) ռուսերեն առանձին գրքերով լույս են տեսել Նար-Դոսի «Պատմվածքները» (1949թ.), Դերենիկ Դեմիրճյանի «Հատընտիրը» (1950թ.) Հակոբ Հակոբյանի «Հատընտիրը» (1948թ.), Թաթուլ Հուրյանի «Բանաստեղծություններ և պոեմները» (1952թ.), Սուրեն Վահունու «Երգերի գիրքը» (1952թ.), Անդրանիկ Թերզյանի «Արևին ընդառաջը» (1956թ.), Համո Սահյանի «Բարձունքներում» (թարգմանության հեղինակակից Վ.Զվյագինցևա և Տ.Սպենդիարովա, 1956թ.), Մկրտիչ Սարգսյանի «Սերժանտ Կարոն» (1972թ.), Հրանտ Մաթևոսյանի «Գոմեշը» (1969թ.)։ 1934թ-ից եղել է Հայաստանի գրողների միության անդամ։ 1974թ. արժանացել է Հայաստանի մշակույթի վաստակավոր գործչի կոչման: Մահացել է Երևանում: