ԱԼԼԱ ԱՆԴՐԵԱՍՅԱՆ

Դերասանուհի

Ծնվել է Տաշքենդում: 1950թ. ավարտել է Երևանի Կոմիտասի անվան պետական կոնսերվատորիան: 1937-47թթ եղել է Երևանի Կ.Ստանիսլավսկու անվան ռուսական, 1947թ-ից` Երևանի Հ.Պարոնյանիանվան երաժշտական կոմեդիայի պետական թատրոնի դերասանուհի: Օպերետային ներկայացումներից են` Կալմանի «Բայադերա» (Բայադերա), Տ.Չուխաճյանի «Կարինե» (Կարինե), Դունաևսկու «Ազատաշունչ հողմ» (Ստելլա) և այլն: Խաղացել է նաև մի շարք թատերական ներկայացումներում` Վ.Շեքսպիրի «Անսանձ կնոջ սանձահարումը» (Կատարինե), Ա.Շիրվանզադեի«Մորգանի խնամին» (Նատաշա), Ի.Դունաևսկու «Ծաղրածուի որդին» (Իրինա), Յ.Շտրաուսի «Գնչուների բարոնը» (Սաֆֆի), Լ.դե Վեգայի «Պարերի ուսուցիչ» (Ֆլորենա), Հ.Պարոնյանի «Ատամնաբույժն արևելյան» (Երանյակ), Ն.Զարյանի «Աղբյուրի մոտ» (Շողիկ), Գ.Սունդուկյանի «Վարինկի վեչեր» (Մակակո) և այլն: 1967թ. արժանացել է Հայաստանի ժողովրդական արտիստի կոչման: Մահացել է Երևանում: