ԱՆԴՐԱՆԻԿ ԳԱՄՋՅԱՆ

Բեմադրիչ

Ծնվել է Երևանում: 1965թ. ավարտել է Երևանի գեղարվեստաթատերական ինստիտուտը: 1965-68թթ եղել է Ստեփանակերտի դրամատիկական թատրոնի ռեժիսոր, 1988-92թթ` գլխավոր ռեժիսորը, 1968-70թթ` «Հայֆիլմ» կինոստուդիայի ռեժիսոր, 1970-72թթ` Արտաշատի թատրոնի ռեժիսոր, 1972-74թթ և 1975-81թթ` ԵԵԿԹ ռեժիսոր: 1992-95թթ աշխատել է Սանկտ Պետերբուրգի և Պրահայի տիկնիկային թատրոններում: 1981-89թթ եղել է Երևանի Հ.Թումանյանի անվան տիկնիկային թատրոնի գլխավոր ռեժիսորը, 1998-2000թթ` Երևանի մարիոնետների թատրոնի տնօրենը, 2000-03թթ` Գյումրիի Վ.Աճեմյանի անվան պետական դրամատիկական թատրոնի գեղարվեստական ղեկավարը: 1969-91թթ դասավանդել է Երևանի գեղարվեստաթատերական ինստիտուտում: Բեմադրել է Վ.Ժուլկևսկու և Ս.Բուգաևսկու «Կախարդի աշխակերտը», Ժ.Հարությունյանի «Գլխին գինն է 50 միլիոն», Ա.Օստրովսկու «Հորձանուտ», Ա.Այվազյանի «Դիպլիպիտո», Ա.Պապայանի «Գնա մեռի, արի սիրեմ» և այլ ներկայացումներ: 1990թ. արժանացել է Հայաստանի վաստակավոր արտիստի կոչման: Մահացել է Գյումրիում: