Արմեն Բադալյան

Օպերային երգիչ

Ծնվել է 1980թ. հունվարի 19-ին, Էջմիածնում։ Օպերային երգչուհի Սյուզաննա Մելքոնյանի ամուսինն է: 2000-05թթ սովորել է Երևանի Կոմիտասի անվան պետական կոնսերվատորիայում։ 2012-14թթ հանդես է եկել Վոլգոգրադի երաժշտական թատրոնում, որտեղ Ջ.Վերդիի «Տրավիատա» օպերայում կատարել է Ալֆրեդի դերերգը։ 2005թ-ից Երևանի Ա.Սպենդիարյանի անվան օպերայի և բալետի ազգային ակադեմիական թատրոնի մեներգիչ է։ Հանդես է եկել հետևյալ օպերային ներկայացումներում՝ Ջ.Պուչինիի «Տոսկա» (Կավարադոսսի), Ս.Ռախմանինովի «Ալեկո» (Երիտասարդ գնչու), Ա.Տիգրանյանի «Անուշ» (Սարո), Ջ.Վերդիի «Տրավիատա» (Գաստոն), Գ.Դոնիցետտիի «Պողիկտոս» (Ֆելիչե) և այլն: