Արտաշես Ղահրիյան

Արձակագիր

1 հուլիս, 1937 - 28 հուլիս, 2020

Ծնվել է Լեռնային Ղարաբաղի Հադրութի շրջանի Մեծ Թաղեր գյուղում: Եղել է Լեռնային Ղարաբաղում հայտնի Աշուղ Առուստամի ծոռը։ 1956թ. ավարտել է տեղի միջնակարգ դպրոցը, 1961` Երևանի պետական համալսարանի հայկական բանասիրական ֆակուլտետի հայոց լեզվի և գրականության բաժինը: Որպես սրբագրիչ երկար տարիներ աշխատել է «Սովետական Հայաստան», «Ավանգարդ» թերթերի, «Պատմաբանասիրական հանդեսի» և «Սովետական գրականություն» (հետո` «Նորք») ամսագրի խմբագրություններում: 1976թ-ից եղել է «Սովետական գրականություն» ամսագրի խմբագրության գրական աշխատողներից։ 1985թ-ից եղել է Հայաստանի գրողների միության անդամ, հետագայում դարձել է ԼՂ գրողների միության անդամ: Հրատարակել է «Տոհմականչ» (1978թ.) և «Պատրանք» (1983թ.) պատմվածքների ժողովածուները: 1993թ. վերադարձել է ծննդավայր: Հեղինակել է նաև բազմաթիվ գրականագիտական, հրապարակախոսական հոդվածներ: Ստեփանակերտում լույս են տեսել նրա «Լեռան հուշ» (2002թ.), «Թախծոտ մեղեդի» (2006թ.), «Տոհմականչ հավաքածու» (2հ. 2007թ.), «Ինքնազրույց» (2013թ.) գրքերը: Մահացել է Ստեփանակերտում: