Բորիս Եղիազարյան

Գեղանկարիչ, գրաֆիկ

Ծնվել է 1956թ. օգոստոսի 6-ին, ՀՀ Ապարան քաղաքում: Սովորել է Երևանի Փ.Թերլեմեզյանի անվան գեղարվեստի ուսումնարանում, ապա՝ Սանկտ Պետերբուրգի Վ.Մուխինայի անվան գեղարվեստական ինստիտուտում: 1986թ. ավարտել է Կիևի գեղարվեստի պետական ակադեմիան: 1986թ-ից Մասնակցել է մի շարք հանրապետական և միջազգային ցուցահանդեսների Գերմանիայում, Ուկրաինայում, Հունաստանում, Շվեյցարիայում, Ֆրանսիայում, ԱՄՆ-ում և այլուր: 1988թ. ակտիվորեն մասնակցել է ղարաբաղյան հարցի կարգավորման հանրահավաքներին Երևանում և Կիևում, որտեղ նաև բարձրացրել է Սումգաիթում հայերի դեմ կատարվող ջարդերի խնդիրը: Անհատակն ցուցահանդեսներ է ունեցել Երևանում (1993թ., 1996թ.), Մինսկում (1994թ.), Ֆիլադելֆիայում (1995թ.), Կիևում (1995թ., 1996-2004թթ), Փարիզում (1998թ.) և այլուր: Աշխատանքները գտնվում են Կիևի ռուսական արվեստի թանգարանում, Հայաստանի ազգային պատկերասրահում, Երևանի Սերգեյ Փարաջանովի թանգարանում, Վիննիցայի գեղարվեստի թանգարանում և տարբեր երկրների մասնավոր հավաքածուներում: Բնակվում է Կիևում: