ԳԱՌՆԻԿ ՂԱԶԱՐՅԱՆ

Բանաստեղծ, դրամատուրգ

Ծնվել է ՀՀ Քարահունջ գյուղում (այժմ` ՀՀ Սյունիքի մարզ): 1916-17թթ սովորել է Էջմիածնի Գեորգյան ճեմարանում։ Եղել է Անդրկովկասի հեղափոխական շարժումների մասնակից։ 1915թ. ընտրվել է ՌՍԴԲ(բ)Կ Թիֆլիսի կոմիտեի անդամ։ Մասնակցել է Բաքվի կոմունայի պաշտպանությանը։ Խմբագրել է «Կարմիր ռանչպար» (1921թ., Գորիս), «Մաճկալ» (1925-29թթ) թերթերը։ 1922-24թթ եղել է կուսակցության Զանգեզուրի գավկոմի քարտուղարը, 1929-35թթ` ՀԽՍՀ Գլավլիտի պետական, այնուհետև` ՀԽՍՀ ռադիոկոմիտեի նախագահը և Հայկական հեռագրական գործակալության (այժմ` Արմենպրես) տնօրենը։ Հրատարակվել են նրա «Կուլտուրական հեղափոխությունը և կենցաղային խնդիրները գյուղում» (1930թ., 1931թ.), «Սևան» (պոեմ, 1931թ.), «Պայքար ֆրոնտում» (պիես, 1933թ.), «Կարմիր ակոս» (պիես, 1934թ.), «Ազատության շեփորը» (բանաստեղծություններ, 1963թ.) գրքերը: 1934թ-ից եղել է Հայաստանի գրողների միության անդամ: Մահացել է Երևանում: