Մայքլ Քոթանջյան

Երգիչ, դերասան

Ծնվել է 1975թ. հուլիսի 26-ին, Երևանում: Դերասան Ռաֆայել Քոթանջյանի որդին է: 1992թ. ավարտել է Երևանի Մ.Իշխանի անվան ակադեմիան: 1992-97թթ սովորել է «Գլաձոր» համալսարանի միջազգային հարաբերությունների ֆակուլտետում: 1979-89թթ խաղացել է Երևանի Հ.Ղափլանյանի անվան դրամատիկական թատրոնում, ինչպես նաև մի քանի հեռուստաներկայացումներում: Նկարահանվել է «Ճերմակ անուրջներ» (1984թ.), «Մեկ ամիս գյուղում», «Սիրո աստղ» (2009թ.), «Խնջույք» ֆիլմերում: 1996թ. թողարկել է առաջին երգը Շուշան Պետրոսյանի հետ, 1999թ.` առաջին ձայնասկավառակը և տեսահոլովակը: Բազմաթիվ համերգներ է ունեցել Հայաստանի մարզերում, ԱՄՆ-ում: 2000թ. արժանացել է «Դարավերջյան աստղ» մրցանակին, 2001թ.` «Անապատի տիրուհի» երգի համար` «Տարվա հիթ», «Լավագույն տեսահոլովակ» մրցանակների: Թողարկել է «Երկու գույն» (2006թ.) ձայնասկավառակը, նկարահանել շուրջ 10 տեսահոլովակ: