ՄԱՐԻԱ ԹԵՆԱԶԻ

Դերասանուհի

Ծնվել է Բաքվում: Ավարտել է Թիֆլիսի Ն.Պետրաշևսկու անվան առևտրական ուսումնարանը, զբաղվել է գեղանկարչությամբ: Առաջին անգամ նկարահանվել է 1923թ.՝ վրացական «Փարոսի գաղտնիքը» ֆիլմում (ռեժիսոր Վլադիմիր Բարսկի), այնուհետև՝ «Երկաթգիծ» (1924թ.), «Անցյալի մղձավանջերը» (1925թ.), «Փարոսի գաղտնիքը» (1925թ.), «Հազատների գնով» (1925թ.), «Իններորդ ալիք» (1926թ.), «Խաղն ավարտված է» (1926թ.) կինոնկարներում: 1926թ. հրավիրվել է Հայկինո և Հ.Բեկնազարյանի «Զարե» կինոնկարում հանդես եկել գլխավոր դերակատարմամբ: 1928թ. Զաքարի Բերիշվիլիի «Ամպերի թաքստոց» ֆիլմի նկարահանումների ժամանակ դերասանուհին հիվանդացել է տուբերկուլյոզով։ Մահացել է Վրաստանի Քոբուլեթ քաղաքում: