Ռոբերտ Եսայան

Բանաստեղծ

Ծնվել է 1958թ. դեկտեմբերի 26-ին, Արցախի Թազաքենդ գյուղում: Միջնակարգ կրթությունն ստացել է Ստեփանակերտի թիվ 2 դպրոցում: 1977-79թթ ծառայել է խորհրդային բանակի շարքերում (ԳԴՀ): 1984-89թթ սովորել է Ստեփանակերտի մանկավաժական ինստիտուտի բանասիրական ֆակուլտետի լեզվագրական բաժնում: Առաջին գիրքը («Հենակետեր») տպագրվել է 1989թ., Երևանում: Հրատարակել է չափածո և արձակ ստեղծագործությունների ժողովածու: Նրա առանձին բանաստեղծություններ թարգմանվել են ռուսերեն, անգլերեն: 1992-94թթ մասնակցել է Արցախյան պատերազմին, որպես հրետանավոր: Պարգևատրվել է «Մարտական ծառայություն» մեդալով: «Հայրենյաց պաշտպան» թերթի խմբագիրն է: Հայաստանի և Արցախի գրողների միության անդամ է: Հրատարակվել են նրա «Երազի սահանքներ (2004թ.), «Անդրժամանակի հենարաններ (2006թ.), «Ասուպների եզերք» (2008թ.), «Հարության ժամանակը» (2012թ.) գրքերը: 1993թ. արժանացել է Արցախի Եղիշեի անվան մրցանակի, 1995թ.՝ ՀԳՄ Դանիել Վարուժանի անվան մրցանակի: