Ռոզա Լին

Երգչուհի

Ռոզա Կոստանդյան
Ծնվել է 2000թ. մայիսի 20-ին, ՀՀ Վանաձոր քաղաքում: Դաշնամուր սկսել է նվագել վեց տարեկան հասակում: 2013թ. «Գիտեմ» երգով մասնակցել է Հայաստանի Մանկական Եվրատեսիլ երգի մրցույթի ներկայացուցչի ընտրության փուլին: Մասնագիտական երաժշտական գործունեությունն սկսել է՝ համագործակցելով ամերիկյան Nvak Collective ձայնագրման լեյբլի հետ, որը հիմնել է հայ-ամերիկյան երգչուհի և երգերի հեղինակ Թամար Կապրելյանը: 2021թ. թողարկել է դեբյուտային «King» սինգլը՝ ամերիկացի երգչուհի Kiiara-ի հետ համագործակցությամբ: Հեղինակել է մի շարք երգեր, զբաղվում է երաժշտական պրոդյուսինգով: 2022թ. «Snap» երգով ներկայացրել է Հայաստանը Եվրատեսիլ երգի միջազգային մրցույթում: Նույն թվականին հայտարարել է հաջորդ տարում Հյուսիսային Ամերիկայում անցկացվելիք համերգային տուրի մասին բրիտանացի փոփ կատարող Էդ Շիրանի հետ, ապա համատեղ տեսահոլովակ է թողարկել «Եվրատեսիլ-2019»-ի հաղթող Դունկան Լոուրենսի հետ WDIA (Would Do It Again) երգով: 2022թ. օգոստոսին երգչուհին պայմանագիր է կնքել «Columbia Records»-ի հետ: